Օնլայն գնումեր․ հաճելի պարտականություն

Խանութ, որտեղ կա ամեն ինչ մանուկների ու դեռահասների համար։ Հեշտ կլինե՞ր նրանց այնտեղից դուրս բերել առանց վատնելու բավականին շատ ժամանակ և գումար։

Մայրիկներ, հայրիկներ, տատիկներ ու պապիկներ, այստե՞ղ եք։ Վստահ ենք, դուք պատրաստ եք կատարել երեխայի ամեն մի ցանկությունը։ Ինչ խոսք, հաճելի կլիներ անկաշկանդ մտնել խանութ և գնել նրա սրտի ուզածը։ Սակայն երեխաները պետք է ստեղծագործելու համար տարածք և հնարավորություն ունենան։

Իսկ հիմա, հիշեք՝ վերջին անգամ երբ եք խանութ գնացել տան փոքրիկ անդամների հետ։ Իրական փորձություն է, այնպես չէ՞։ Հոգնում են ոտքերը, ողնաշարը․․․ նյարդե՛րն, ի վերջո։ Մի պահ պատկերացրեք՝ քայլելու փոխարեն՝ նստած եք ընտրում, փոքրիկը տանն է վազվզում, իսկ դեռահասը, որի ճաշակը ձեր ճաշակից արդեն հստակ տարբերվում է, ընտրում է և ինքնուրույն կատարում գնումներ։

Գաղտնիք չէ, որ ինտերնետային գնումները շատ ավելի պրակտիկ են, իսկ մեր կայքից պատվեր կատարելու դեպքում՝ նաև անվտանգ։ Եկեք հասկանանք, ինչ կասկածներ են հայտնվում հերթական օնլայն խանութ մուտք գործելիս

1․ Ապրանքը չի համապատասխանի ձեզ
2․ Լավ որակի չի լինի
3․ Հատկացված ժամանակից ուշ տեղ կհասնի
4․ Կատարած օնլայն վճարումը տեղ չի հասնի
5․ Առհասարակ անհանգստանում եք ձեր քարտային տվյալների անվտանգության համար

Իհարկե, ձեր վախերն արդարացված են․ ինտերնետային խանութների մեծամասնությունն աշխատում է կանխավճարով և ապրանքը հետ չի ընդունում։ Իսկ եթե կայքը նոր է ու դեռ չփորձված, վախերը կրկնապատկվում են։

Մենք ինքներս եղել ենք տարբեր օնլայն խանութների հաճախորդներ և հաշվի ենք առնում ամեն մանրուք, հասկանալով, որ մարդու համար անձնական ինֆորմացիայի անվտանգությունից կարևոր ոչինչ չկա։ Վստահ կարող ենք ասել, որ մեզ մոտ ապրանք պատվիրելիս, վերոնշյալ խնդիրների առաջ չեք կանգնի, քանի որ

1․ Վճարում կատարելու 2 եղանակ կա՝ տեղում և օնլայն
2․ Ունենք վերադարձի հնարավորություն
3․ Պատասխանատու ենք առաջացած խնդիրների համար
4․ Տեսականին առկա է, հետևաբար պետք չէ սպասել 30-40 օր
5․ Ունենք նաև միայն պատվերով տեսականի

Իսկ ի՞նչ տեսականու մասին է խոսքն առհասարակ։ Թերթեք կատալոգը։ Սկսած նորածնային ու դուրսգրման պարագաներից, զարգացնող խաղերից, մինչև հագուստ մանուկների ու դեռահասների համար։ Օրինակ՝

 0-1 տարեկան Երեխաների լոգանքի ու խնամքի պարագաները, կաթի շիշը, կերը պիտի լինի բացառապես բարձրորակ նյութերից և անվտանգ
1-6 տարեկանում երեխան արդեն եռականի հեծանիվ կամ հեռակառավարվող մեքենա է նստում, փորձում է կոնստրուկտոր կառուցել
6-10 տարեկան երեխան խաղում է թեմատիկ խաղեր՝ տիկնիկներով, ուղղաթիռներով, նոթատետրերով, գրիչներով, սեղանի խաղերով, մուլտհերոսների կերպարներով
10-16 տարեկանում դեռահասն ավելի կենտրոնացած է ոճային հագուստի, գեղեցիկ պայուսակների, հարմար կոշիկների վրա

Իսկ ի՞նչ առավելություններ ունեն օնլայն գնումները։

1․ Խնայած ժամանակ

Մենք գիտենք, թե որքան թանկ է ձեր փոքրիկի հետ անցկացրած յուրաքանչյուր րոպեն։ Իսկ միասին դուրս գալ գնումների, նշանակում է ամեն ինչ ավելի արագ ընտրել։ Նման դեպքում, որակն անցնում է երկրորդ պլան։

Իսկ դեռահասները, բացի դպրոցից, նաև շատ այլ զբաղմունքներ ունեն։ Թույլ տալով օնլայն գնումներ կատարել, դուք նրանց օգնում եք զգալ անկախ, ինքնուրույն ընտրություն կատարել, առանց տունը լքելու և ժամանակ կորցնելու։

2․ Խնայած գումար

Առցանց գնումների համեմատ, ցանկացած խանութում նույն հագուստի գինն ավելի թանկ է։ Եթե գումարենք ճանապարհի վրա ծախսած գումարն ու կողմնակի ծախսերը (սրճարան, արագ սնունդ, զովացուցիչ ընպելիքներ), ապա ընտրությունը միանշանակ կկանգնի օնլայն տարբերակի վրա։

Կարևոր է նաև, որ մեր օնլայն ծառայությունները կփոխարինեն մոտ 5 տեսակ տարբեր խանութների։ Նվեր կամ ձեր երեխաների համար հագուստ, խաղալիք և ցանկացած այլ պարագաներ գնելու համար հարկավոր չէ անգամ տանից դուրս գալ։ Զբաղվեք ավելի կարևոր գործերով, մենք  կապահովենք ձեր փոքրիկների կոմֆորտը։